— Біржан, екі матчтың қорытындысы бойынша команда 12:6 есебімен келесі кезеңге өтті. Бұл нәтиже қарсыластықтың шынайы деңгейін қаншалықты көрсетеді?

— Есеп ірі болып көрінуі мүмкін, бірақ шын мәнінде екі ойын да оңай өткен жоқ. Әсіресе бүгінгі матч қиын болды. Алғашқы кездесудегі нәтижеге қарамастан, қарсыластың соңына дейін күресетінін жақсы түсіндік.

— Психологиялық тұрғыда екінші матч күрделірек болды деп айтуға бола ма?

— Иә, дәл солай. Бірінші ойыннан кейін босаңсуға болмайтынын өзара келісіп алдық. Екінші матчқа нөлден бастайтындай, толық жауапкершілікпен және жоғары тәртіппен шықтық. Мұндай кезеңдерде тек осылай ойнау керек.

— Бүгін сіз дубль авторы атандыңыз. Мұндай ойындарда жеке жетістіктің маңызы қандай?

— Бұл деңгейдегі матчтарда ең бастысы — командалық нәтиже. Әрине, гол соққан жағымды, командаға пайдаң тигені қуантады. Бірақ басты мақсат — келесі кезеңге шығу. Біз сол міндетті орындадық.

— Үйдегі ойында жанкүйерлердің қолдауы туралы не айта аласыз?

— Жанкүйерлерімізге және фанаттарымызға үлкен рахмет. Трибунадағы атмосфера өте жоғары болды, ойын бойы қолдауды анық сезіндік. Мұндай қолдау командаға шешуші сәттерде қосымша күш береді.

— Алда Лига чемпиондарының ширек финалы күтіп тұр. Команданың көңіл-күйі қандай?

— Алда өте жауапты кезең. Бұл сатыда әлсіз қарсылас болмайды. Біз маңызды қадам жасадық, бірақ жұмыс әлі көп. Әрі қарай да матчтан матчқа дайындалып, бар күшімізді саламыз.

— Осы орайда біздің демеушілеріміз бен серіктестерімізге алғыс білдіргім келеді. Атап айтқанда, бас демеушіміз — Самұрық-Қазына» Ұлттық әл-ауқат қоры және спортты қолдау бағытында үлкен үлес қосып отырған Sport Qory. Олардың қолдауы команда үшін өте маңызды.

«ҚАЙРАТ ФУТЗАЛ» Бас серіктесі – «Самрұқ Қазына» ҰӘҚ» АҚ.

 «ҚАЙРАТ ФУТЗАЛ» серіктесі - «Туризм индустриясы мен спортты қолдау қоры» КҚ

@sportqory

@samrukkazyna_official